ராமகிருஷ்ணன் நடிக்கும் சிறுவர் பூங்கா!

ராமகிருஷ்ணன் நடிக்கும் சிறுவர் பூங்கா! இயக்குர் கரு.பழனியப்பன் உள்ளிட்டோரிடம் உதவியாளராக இருந்த பாலமுருகன்.ச சிறுவர் பூங்கா படத்தின் மூலம் இயக்குனராக அறிமுகமாகிறார். . "குங்குமப்பூவே கொஞ்சும்புறாவே' உள்ளிட்ட படங்களில் நடித்த இயக்குனர் சேரனின் உதவியாளரான ராமகிருஷ்ணன் நாயகனாக நடிக்கிறார். படத்தின் பெயர் சிறுவர் பூங்கா என்று இருந்தாலும், படம் குழந்தைகள் பற்றியது அல்ல, காதல், சென்டிமென்ட், காமெடி, ஆக்ஷன் என எல்லாம் கலந்த மசாலாதான் என்கிறார் இயக்குனர் பாலமுருகன். சிறுவர் பூங்காவில் எல்லாம் இருக்கும் என்றாலும், நெகட்டிவாக எந்த விஷயமும் கிடையாது. எல்லாமே பாசிட்டிவ்தான் என்று அவர் உற்சாகமாக கூறுகிறார். படத்தில் பூங்கா மைய விஷயமாக வருவதாக கூறும் இயக்குனரிடம் படத்தின் கதை என்ன என்று கேட்டால், பொதுவாக மடியில் கனமில்லாவிட்டால் வழியில் பயமில்லை என்பார்கள். ஆனால், படத்தின் நாயகனுக்கோ மடியில் கனமில்லை ஆனால் வழியெங்கும் பயமாக இருக்கிறது அதுதான் கதை என்று கவித்துவமாக பதில் சொல்கிறார். புஷ்பவதி சுப்பிரமணியம், பசுபதி சுப்பிரமணியம் உள்ளிட்டோர் தயாரிக்கும் அந்த படத்தின் படப்பிடிப்பு அடுத்த மாதம் 10ம் தேதிதுவங்குகிறது. திண்டுகல், வத்தலகுண்டு உள்ளிட்ட இடங்களில் படப்பிடிப்பு நடைபெறவுள்ளது. நாயகியாக சானியா தாரா நடிக்கிறார். பரோட்டா சூரி, டெல்லி கணேஷ், மீரா கிருஷ்ணன் உள்ளிட்டோர் நடிக்கின்றனர். பிரபல ஒளிப்பதிவாளர் யு.கே.செந்தில்குமார் ஒளிப்பதிவு செய்கிறார். ஸ்ரீகாந்த் தேவா இசையமைக்கிறார். இந்த படத்தில் நடிப்பது குறித்து ராமகிருஷ்ணனிடம் கேட்டபோது, பெண்ணை கட்டிக்கொடுத்த பெற்றோர்கள் கடைசியில் அனாதையாக நிற்பதை மையமாக கொண்ட அமைந்திருக்கும் கதையை இயக்குனர் சொன்னதும் பிடித்துப் போனதால் இதில் நடிப்பதாக தெரிவித்தார். thank u// Regards// v.k.sundar pro// kumar srinivas/// photo/video journalist